ឯកឧត្តម យ៉ង់ សែម រួមដំណើរដោយ ឯកឧត្តម ជឹម លាវ ឯកឧត្តម ណយ ស្រូន និងលោក សាម ណាល់ អភិបាលនៃគណៈអភិបាលស្រុកស្នួល ព្រមទាំងលោកមេឃុំ ស្មៀនឃុំ លោកនាយប៉ុស្តិ៍រដ្ឋបាល ឃុំ២ធ្នូ បានអញ្ជើញនាំយកនូវទេយ្យទាន និងបច្ច័យមួយចំនួន
នាព្រឹកថ្ងៃ ព្រហស្បតិ៍ ទី៨ ខែមេសា ឆ្នាំ២០២១ វេលាម៉ោង៩:៣0នាទី ឯកឧត្តម យ៉ង់ សែម ប្រធានគណៈកម្មការទី១ ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី៨ រួមដំណើរដោយ ឯកឧត្តម ជឹម លាវ សមាជិកគណៈកម្មការទី១ព្រឹទ្ធសភា និងជាសមាជិកក្រុមសមាជិកព្រឹទ្ធសភាប្រចាំភូមិភាគទី២ និង ឯកឧត្តម ណយ ស្រូន សមាជិកក្រុមសមាជិកព្រឹទ្ធសភាប្រចាភូមិភាគទី៨ អមដំណើរដោយ លោក សាម ណាល់ អភិបាល នៃគណៈអភិបាលស្រុកស្នួល ព្រមទាំងលោកមេឃុំ ស្មៀនឃុំ លោកនាយប៉ុស្តិ៍រដ្ឋបាល ឃុំ២ធ្នូ បានអញ្ជើញនាំយកនូវទេយ្យទាន និងបច្ច័យមួយចំនួនប្រគេនដល់ព្រះសង្ឃគង់នៅវត្តធនុបាតភូមិការាម២ធ្នូ ស្ថិតនៅឃុំ២ធ្នូ ស្រុកស្នួល ខេត្តក្រចេះ។ បន្ទាប់មក គណៈប្រតិភូបានអញ្ជើញ មើលអាគាររដ្ឋបាលរណស្សិរ២ធ្នូ សាងសង់ដោយ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា ។
